Ishte një ide fantastike.
Piloti britanik George Russell i ka befasuar të gjithë në Çmimin e Madh të Belgjikës, duke zgjedhur një strategji me vetëm një ndalesë në “pit stop”, që në fund u shpërblye, pasi arriti të mbyllë garën para të gjithëve dhe të triumfojë në ndalesën e 14 sezonale në Formula 1.
Natyrisht një strategji e guximshme dhe shumë e rrezikshme ajo e Russell, që ndryshe nga pilotët e tjerë që bënë nga dy ndalesa, bëri vetëm një pit stop, por në fund ia doli të triumfojë, duke lënë pas shokun e skuadrës te Mercedes, Lewis Hamilton, teksa pas tyre mbylli garën piloti i McLaren, Oscar Piastri, që ia doli të ngjitet në podium.
Vetëm vendi i katërt për pilotin e Ferrarit, Charles Leclerc, ndonëse u nis i pari, ndërsa pas tij mbeti piloti kryesues i Formulës 1, Max Verstappen dhe më pas Lando Norris, Carlos Sainz e Sergio Perez.
Formula 1 do të ndalet për rreth një muaj, për pushimet verore, për t’u rikthyer më pas me garën e 15 sezonale, që do të jetë Çmimi i Madh i Holandës. /i.m /abcnews.al
