Mbrojtja Civile e Hamasit njoftoi vdekjen e 57 personave në pesë sulme të veçanta izraelite në Gazën qendrore, jugore dhe veriore. Mohammad al-Moughaïr, një zyrtar i mbrojtjes civile, raportoi dje 48 vdekje në “tre masakra që ndodhën në më pak se një orë”.
Tre orë më vonë, rreth orës 1:00 dhe 1:30 me orën lokale u raportuan dy sulme të tjera që rezultuan në vdekjen e 9 personave.
Tre sulmet e para ndodhën pranë një stacioni karburanti në Al-Mawasi në perëndim të Khan Younes, në një shkollë të drejtuar nga agjencia e Kombeve të Bashkuara për refugjatët palestinezë (UNRWA) në kampin e refugjatëve Nuseirat dhe pranë rreth-rrotullimit të Beit Lahia.
Ushtria izraelite tha në një deklaratë se kishte shënjestruar “terroristët që përdornin një shkollë UNRWA në rajonin Nusseirat” dhe “një kompani udhëheqëse e Xhihadit Islamik” në perëndim të Khan Younis.
Ushtria thotë se ka marrë “masa të shumta” për të reduktuar rrezikun e shënjestrimin e civilëve në sulmin ndaj shkollës dhe akuzon edhe një herë Hamasin se fshihet pas civilëve dhe përdor popullatën si armë, gjë që Hamasi e mohon rregullisht. Sipas të njëjtit burim, në 10 ditë janë prekur 7 shkolla.
/abcnews.al
