Kina e sheh aneksimin dhe “eliminimin” e Tajvanit si kauzën e saj të madhe kombëtare, tha të dielën presidenti i Tajvanit Lai Ching-te, duke u thënë kadetëve në akademinë kryesore të ushtrisë se duhet ta njohin armikun e tyre dhe të mos dorëzohen para disfatizmit.
Lai është përballur me sulme të vazhdueshme personale nga Kina, e cila e sheh Tajvanin si territorin e vet, që nga marrja e detyrës muajin e kaluar, ndërsa e quajti atë një “separatist”. Pas marrjes së detyrës së presidentit të ri, Kina organizoi stërvitje rreth Tajvanit si përgjigje ndaj inaugurimit të tij.
Lai thotë se vetëm njerëzit e Tajvanit mund të vendosin për të ardhmen e tyre dhe ka ofruar vazhdimisht bisedime me Pekinin, por është refuzuar.
Duke folur në Kaohsiung, në jug të ishullit në 100 vjetorin e themelimit të Akademisë Ushtarake ëhampoa, Lai tha se kadetët e sotëm duhet të njohin sfidat e “epokës së re”.
“Sfida më e madhe është të përballesh me ngritjen e fuqishme të Kinës, (e cila është) duke shkatërruar status quo-në në ngushticën e Tajvanit dhe e konsideron aneksimin e Tajvanit dhe eliminimin e Republikës së Kinës si kauzën e madhe përtëritëse të popullit të saj”, tha ai duke përdorur emrin zyrtar të Tajvanit.
