Zyrtarizimi i Kylian Mbappe te Real Madrid solli një sërë reagimesh nga bota e futbollit, mes të cilëve ishte edhe një nga emrat më të mëdhenj që ka njohur historia e këtij sporti, pesë herë fituesit të UEFA Champions League, Cristiano Ronaldo.
Ish-ylli i “Los Blancos” ka komentuar në foton e publikuar nga Mbappe në rrjetet sociale, ku francezi ishte ende një fëmijë dhe shfaqej në krah të portugezi, idhullit të tij dhe shprehej se ëndrra u bë realitet. Në komentin e tij Ronaldo shkruan se tashmë është momenti që ai ta admiroj Mbappe.
“Tani është radha ime të të admiroj. I emocionuar që të shoh duke ndezur Bernabeun. HalaMadrid”,- shkruan Cristiano Ronaldo duke komentuar foton. /i.m /abcnews.al
