Juventusi-Milan është ndeshja më e bukur e kësaj jave në Serie A. Sfida prestigjioze do të zhvillohet sonte në Torino (20:45). Vendasit do të tentojnë fitoren për të rimarrë kreun, ndërsa kuqezinjtë e Piolit do të bëjnë maksimumin për të mos dalë pa pikë.
Cristiano Ronaldo dhe Matthijs De Ligt ishin në dyshim për këtë duel, por të dy janë grumbulluar nga trajneri Sarri. Një lajm i mirë për tifozët e kampionëve të Italisë.
Ylli portugez ndjeu shqetësime në gju në ndeshjen e mesjavës kundër Lokomotiv Moscow, ndërsa mbrojtësi holandez ka pasur probleme në kavilje. Gjithsesi, ata janë gati për të zbritur në fushë kundër Milanit dhe për t’i dhënë një dorë Juves në fitimin e kësaj ndeshje të rëndësishme. /abcnews.al
