Valencia ka fituar sot me rezultatin 2-0 kundër Granada, duke marrë tri pikë shumë të rëndësishme në La Liga. Ky triumf, e ngjit ekipin e Valencias në vend të shtatë, duke barazuar Grandan në kuotë pikësh (20). Ishte Daniel Wass ai që shënoi golin e parë për të besuarit e Celades, në minutën e 74-ët.
Granada bëri një ndeshje të madhe dhe krijoi disa raste për të barazuar dhe për ta fituar këtë sfidë, por Valencia u mbrojt mirë dhe në sekondat e fundit, arriti ta “vrasë” sfidën. Ishte talenti 19-vjeçar Ferran Torres ai që shënoi një supergol, duke i dribluar të gjithë dhe duke shënuar me të majtën në trekëndëshin e portës.
Ky ishte goli i parë për Torres në La Liga, që gjithashtu shënoi edhe në Champions League kundër Lille. 19-vjeçari është një nga talentet më premtues dhe e ardhmja e tij duket e ndritur./abcnews.al
La Liga, java 13
Valencia – Granada 2-0
Wass 74′, Torres 90+7′
