Autoriteti i Mediave Audiovizive, dënoi dhunën ndaj gazetarëve dhe operatorëve në protestën e thirrur sot para bashkisë nga përfaqësues të opozitës.
AMA vëren me shqetësim se siguria e grupit të reporterëve dhe kameramanëve të medias u vu në rrezik si pasojë e përdorimit të lëndëve shpërthyese të hedhura në këtë tubim të opozitës.
Në reagimin e saj, AMA thekson se pasiguria në punën e medias është goditje për fjalën e lirë dhe kufizim për informimin e publikut.
AMA kërkon nga autoritetet ligjzbatuese të rendit, por dhe organizatorët e protestave, të marrin masa konkrete për të mbrojtur aktivitetin e reporterëve në terren, për të lënë të hapur komunikimin e tyre me publikun në mbulimin e dinamikës së ngjarjeve./abcnews.al
