Një inkursion izraelit në Rafah do të vinte në rrezik jetën e qindra mijëra banorëve të Gazës dhe do të ishte një goditje për operacionet humanitare të të gjithë enklavës, tha të premten një zëdhënës i zyrës humanitare të OKB-së.
Izraeli ka paralajmëruar për një operacion në qytetin jugor të Gazës, Rafah, ku rreth një milion të zhvendosur janë të grumbulluar së bashku në strehimore dhe akomodime të improvizuara.
“Mund të jetë një masakër e civilëve dhe një goditje e pabesueshme për operacionin humanitar në të gjithë rripin, sepse ai është drejtuar kryesisht nga Rafah,” tha Jens Laerke, zëdhënës i zyrës humanitare të OKB-së , në një konferencë shtypi në Gjenevë.
Operacionet e ndihmës nga Rafah përfshijnë klinikat mjekësore dhe pikat e shpërndarjes së ushqimit, duke përfshirë qendrat për fëmijët e kequshqyer, tha ai.
