Eksplorimi i pasurive të nëntokës në Shqipëri do të realizohet tashmë me anë të teknologjisë dhe inovacionit.
Në Elbasan është hapur qendra e parë në Ballkanin Perëndimor për Inovacionin i Institutit Evropian të Teknologjisë për lëndët e para.
Zv.kryeministrja Belinda Balluku theksoi se kjo qendër synon të nxisë kërkimin shkencor në sektorin minerar si dhe zbulimin dhe përpunimin e lëndëve të para, duke u mbështetur në inovacion.
Përtej kërkim-zbulimit kjo qendër do të ketë në fokus edhe shkollimin e profesionistëve në këto sektorë
Gjithashtu kjo qendër do të shërbejë edhe për bashkëpunimin dhe shkëmbimin e eksperiencave mes profesionistëve e ekspertëve shqiptarë dhe atyre të Bashkimit Europian në kërkim-zbulimin dhe përpunimin e lëndëve minerare, veçanërisht të atyre me rëndësi strategjike.
