Tifozët e Liverpool janë ndër më të mirët në botë kur vjen puna për te atmosfera që krijojnë në stadiume, sidomos në shtëpinë e tyre, “Anfield Road”. Megjithatë, ka dhe disa anë të tjera kur janë totalisht të “pamëshirshëm”.
Tifozeria e kuqe, e njohur dhe me emrin KOP (Marrë nga tribuna kryesore e ultrasve në “Anfield”), ka marrë përsipër një nismë të padëgjuar më parë. Me anë të një peticioni online, tifozët e kuq po tentojnë të mbledhin sa më shumë firma në mënyrë që arbitri anglez, Martin Atkinson, të shkarkohet nga detyra.
Sipas tyre, ky arbitër ka bërë me qindra herë gafa të pafalshme dhe me aftësitë e tij, nuk meriton të drejtojë një ndeshje as në Championship (Liga e dytë angleze). Peticioni ka nisur sot dhe deri më tani, janë mbledhur me qindra firma. Se sa do i dëgjojë Federata Angleze e Futbollit, mbetet për t’u parë./abcnews.al
