Raportuesja për Kosovën në Parlamentin Evropian, Viola von Cramon, deklaron se ushtria digjitale e VetëVendosjes kufizon fjalën e lirë të shoqërisë.
Nepermjet rrjeteve sociale, Von Cramon shpreh se ekzistenca e nje vigjilence online të krijuar nga partia e kryeministrit Kurti është konfirmuar gjithashtu nga ish anëtarë të VetëVendosjes.
Deklaraten e saj diplomatja e ka përforcuar duke bashkëlidhur dhe cituar një artikull të medias Balkan Insight ku ndër të tjera specifikohen detyrat e kësaj ushtrie digjitale; të përhapë informacione, të rrisë praninë online të mbështetësve të partisë në pushtet dhe të synojë pikëpamje të kundërta.
Në artikullin e Balkan Insight zbulohet se aktivistët digjitalë të VetëVendosjes kishin një rol kyç kur partia ishte në opozitë, ndërkohë sot – pas tre vitesh qeverisjeje të Kurti – kanë fituar edhe më shumë rëndësi. Aktiviteti i tyre konsiston në ngacmimin e kritikëve dhe kundërshtarëve të kryeministrit Kurti duke njollosur hapësirën virtuale dhe duke gërryer lirinë e shtypit.
Ndër të tjera vihen në dukje se, pavarësisht rezultateve të mira në lirinë e shtypit, Kosova po dështon të adresojë çeshtjet e “vigjilencës digjitale” që evidentojnë dhe sulmojnë aktorë vendas dhe ndërkombëtarë, të cilët kritikojnë qeverisjen e Kurtit.
Thanks for this important piece. Indeed VV digital army limits freedom of speech.
“In Kosovo, former members of the ruling Vetëvendosje party have also confirmed the existence of a digital army tasked to spread information, enhance digital presence and target opposing views.” https://t.co/G9qlGDnQ3A
— Viola von Cramon ?????? (@ViolavonCramon) March 27, 2024
