Dani Ceballos ka shkëlqyer te skuadra e Arsenalit, që kur u transferua në formë huazimi nga Real Madrid gjatë verës. Ylli spanjoll erdhi te “Topçinjtë” e Londrës për të treguar se e meriton të luajë dhe me paraqitjet e tij, ka bërë që tifozët e Arsenalit ta admirojnë.
Megjithatë, çdo medalje ka dy anë dhe në sfidën e djeshme përballë Liverpool, spanjolli i bë protagonist për arsyet e gabuara. Pasi sfida u mbyll me rezultatin 5-5, skuadrat iu drejtuan penalltive dhe vetëm Ceballos gaboi. Sot, mesfushori i ka kërkuar falje tifozëve, por ka premtuar se do të japë edhe shpirtin në fushë për Arsenalin.
“Asnjëherë nuk do të ndalem duke provuar. Asnjëherë nuk do të fshihem pas një zhgënjimi. Nëse do të kisha sërish mundësinë për të gjuajtur, do të gjuaja pa asnjë dyshim. Kërkoj falje ndaj tifozëve që më kanë mbështetur, por të jeni të bindur se do të jap dhe shpirtin në fushën e lojës”, shkroi Ceballos./abcnews.al
