Luftë e fortë sportive, duele të shumta, por asnjë gol. Partizani dhe Kukësi është mbyllur në barazim 0-0 dhe skuadrat morën nga një pikë. Të kuqtë ruajnë vendin e parë në klasifikim, por Tirana e Bylisi janë shumë pranë, me një pikë. Kukësi shkon në kuotën e 15 pikëve dhe ruan diferencën me Partizanin.
Në 45 minuta e para të dyja skuadrat mundohen të sulmojnë, por shumica e aksioneve ndalen në mesfushë ose në mbrojtjet respektive. Rasti më i mirë ishte në minutën e 11-të, kur Çinari u ndal nga traversa. Abazaj për Kukësin në fundin e pjesës së parë dli përballë Hoxhës dhe u mundua të kalojë topin mbi trupin e portierit. Ky i fundit e kuptoi dhe i mohoi golin futbollistit të Kukësit. Pas 45 minutave të para mjaft të luftuara, nuk ka ende gol në “Selman Stërmasi”.
Çinari në të dytën iu afrua sërish golit, por portieri Xhika e ndali gjuajtjen e tij me kokë. Më pas ishte radha e Trashit të kërcënonte, por gjuajtja e tij ishte e pasaktë. Në të 62′ pati frikë për Alban Hoxhën, pasi portieri u përplas me Rrocën. Ky i fundit dhjetë minuta para fundit provoi me një gjuajtje mjeshtërore të shënonte, por kapiteni i Partizanit e ndali. Minutat e fundit nuk sollën gol dhe ndeshja u mbyll në barazim 0-0.
KATEGORIA SUPERIORE – JAVA 10
E hënë, më 28 tetor, ora 18:00
Stadiumi “Selman Stërmasi”, Tirana
PARTIZANI-KUKËSI 0-0
Partizani: Hoxha, Idrizaj, Bitri, Belica, Boldor, Trashi, Mala, Broja, Cordeiro, Çinari, Bardhi (Brown 84′). Trajner: Franco Lerda
Kukësi: Xhika, Maliki, Teqja, Obanor, Kitanovksi, Musolli, Limaj (Lulaj 63′), Rroca, Ethemi (Daku 89′), Gavazaj (Musta 73′), Abazaj. Trajner: Shpëtim Duro
Gjyqtarë: Kridens Meta, Dojando Myftari, Astrit Mahmuti, Nertil Bregasi. Pas porte: Andi Koçi, Klajdi Kola
Kartonë të verdhë: Boldor 24′ Broja 40′, Lerda 77′ / Rroca 30′, Obanor 43′, Lulaj 93′
/abcnews.al
