Irani i ka dërguar Rusisë qindra raketa këtë vit, sipas burimeve për Reuters. Përafërsisht 400 janë dorëzuar në katër dërgesa, dhe të tjera do të dërgohen në javët e ardhshme, thanë burimet iraniane.
Ato përfshijnë raketa balistike me rreze të shkurtër si Zolfaghar,për të goditur objektivat në një distancë prej 185 deri në 435 milje.
Dërgesat filluan në fillim të janarit pas takimeve midis zyrtarëve ushtarakë dhe të sigurisë iraniane dhe ruse që u zhvilluan në Teheran dhe Moskë vitin e kaluar, tha një nga burimet iraniane.
Një tjetër tha se disa nga raketat u dërguan në Rusi me anije nëpërmjet Detit Kaspik, ndërsa të tjerat u transportuan me avion.Një burim i katërt i njohur me këtë çështje tha se Rusia kishte marrë një numër të madh raketash nga Irani kohët e fundit.
/abcnews.al
