ITALI- Si rezultat i një aksion policor të shtrirë në disa pjesë të Italisë janë arrestuar 12 persona.
Ata dyshohet se janë përfshirë në skema të pastrimit të parave, lëshimin e faturave të rreme dhe mashtrim tatimor, duke i shkaktuar një dëm të madh ekonomisë së vendit.
Sipas mediave italiane, mbi 100 persona janë nën hetim dhe 81 kompani të përfshira në skemat e mashtrimit.
Si rezultat i hetimeve është urdhëruar sekuestrimi i mbi 10.5 milionë eurove. Nga dymbëdhjetë persona të arrestuar, pesë janë lënë në burg dhe shtatë të tjerë në arrest shtëpie./ n.m.abcnews.al
