Trajneri Ardian Mema nuk do të jetë më në krye të Tiranës. Sot, strategu kryeqytetas nuk ka dalë në stërvitje me bardheblutë dhe ka pasur një takim me presidentin Halili. Në atë takim, është vendosur që Mema nuk është më trajner i Tiranës.
Pak çaste më parë, vetë tekniku Mema ka konfirmuar për “Pressing” se e ka mbyllur me Tiranën. Me anë të një SMS drejtuar moderatorit të emisionit, Gerti Çarçanit, Mema konfirmoi largimin e tij nga kreu i bardhebluve.
Një nga kandidatët për të zëvendësuar teknikun Mema në krye të Tiranës është Gentian Mezani, por dhe Bledar Devolli po shikohet si një alternativë e mundshme për të marrë drejtimin e skuadrës kryeqytetase./abcnews.al
