Drejtuesit e Dortmundit nuk e kanë pritur mirë humbjen me Interin. Mungesat në sulm dhanë efektin e vet, por ekipi gjerman duhet të kishte bërë më shumë në ndeshjen e mbrëmjes së kaluar.
Gjatë ditës së djeshme në mediat gjermane qarkulloi një lajm i bujshëm: Dortmundi kishte nisur negociatat me Jose Mourinhon! Raporti i drejtuesve të verdhezinjve me Lucion Favre është thyer.
Situata në dhomat e zhveshjes i ka dalë pak jashtë kontrollit dhe disa zgjedhje teknike të tij nuk kanë bindur Zorc dhe Watzke. Derbi i fundjavës kundër Schalke 04 është deçiziv për të ardhmen e zviceranit.
I duhet të fitojë, përndryshe të përgatisë valixhet. “Special One” është gati për t’u ulur në stolin e Dortmundit. “Po mësoj gjuhën gjermane për kulturë personale”, u shpreh portugezi pak kohë më parë, teksa i shkeli syrin BVB.
“E admiroj punën e Dortmundit dhe ambicien për të konkurruar me një klub potent si Bayern Munchen. Bundesliga më duket interesante, shumë interesante”, ishin fjalët e shprehura nga trajneri luzitan.
Fati mund të bëjë që ai të kthehet në pankinë kundër Interit. Ndeshja e radhës në Champions është Dortmund-Inter, që luhet me 5 nëntor. Mou mund ta nisë kundër ish-ekipit të tij, gjithmonë nëse Schalke dominon derbin e Ruhrit, përndryshe Favre shpëton edhe për pak kohë. /abcnews.al
