Reforma zgjedhore ka sjellë debate të forta mes mazhorancës dhe opozitës. Së fundmi ka reaguar edhe OSBE në Tiranë, ndërsa u bën thirrje deputetëve që të punojnë dhe të angazhohen për të mundësuar një proces parlamentar të qetë dhe funksional.
Ndërkohë nesër pritët të nisë punën Komisioni Parlamentar për Reformën Zgjedhore.
REAGIMI:
Çmojmë partneritetin tonë me Kuvendin e Shqipërisë! U bëjmë thirrje të gjithë deputetëve të kontribuojnë për një proces parlamentar të qetë e funksional. Punimet e papenguara dhe dialogu konstruktiv në komisione janë thelbësore. Përkushtimi ynë për një reformë zgjedhore gjithëpërfshirëse dhe në kohë mbetet i fortë. Angazhimi pozitiv i të gjithëve është vendimtar për të pasur sukses!
/abcnews.al/
