osbe
R D12:23 | 20/02/2020
Sot PD-ja propozoi në tryezën e reformës zgjedhore që gjyqtarët e zgjedhjeve të mos preken nga Vettingu për 4 vite. Ky moratorium sipas tyre duhet të vendoset pasi gjyqtarët ndjehen të kërcënuar nga mazhoranca. “Arma” e kërcënimit është vettingu! Pra sipas PD-së procesi i vetingut ndikohej nga mazhoranca në pushtet, në zgjedhjet e fundit lokale dhe për këtë i referohet raportit të fundit të OSBE-ODIHR.
“Aktualisht është e pamundur që trupa gjyqësore për zgjedhjet të jetë e pandikuar dhe jashtë presionit të vetingut, siç kërkon ODIHR, pasi procesi nuk ka një radhë të fiksuar se kush gjyqtar kalon ne veting, duke bërë që të gjithë të jenë të ekspozuar ndaj vendimit të papritur të Komisionit të Vetingut, ndërkohë që gjyqtari mund të jetë duke marrë një vendim të rëndësishëm për zgjedhjet”, thonë burimet nga PD-ja.
Precendeti u krijua në zgjedhjet e 30 qershorit 2019, ku u konstatuan probleme edhe pse ishin votime me 1 kandidat. Asokohe PD ankimoi në gjykatë duke kërkuar që të shpallen të pavlefshme mandatet e kryebashkiakëve. Të gjithë e kujtojmë vendimin absurd të Gjykatës së Durrësit e cila brenda 1 jave doli me dy vendime të ndryshme: Një 1 gjyqtar i njihte mandatin Valbona Sakos, dhe 1 tjetër jo!
Më poshtë gjetjet e OSBE-ODIHR në zgjedhjet e 30 qershorit, sa i përket gjykatave
Si autoriteti më i lartë për mosmarrëveshjet zgjedhore, Kolegji Zgjedhor, me ligj, përbëhet nga tetë gjyqtarë, të cilët zgjidhen me short nga Këshilli i Lartë i Drejtësisë. Si rrjedhojë e procesit të vetingut të gjyqtarëve, Kolegji Zgjedhor ka aktualisht vetëm gjashtë gjyqtarë. Ndonëse kaq mjafton për gjykimin me trupa prej pesë gjyqtarësh, siç e kërkon ligji, disa seanca është dashur të shtyhen për shkak të numrit të pamjaftueshëm të gjyqtarëve për arritjen e kuorumit.
Vendimet e Kolegjit Zgjedhor duhet të merren brenda dhjetë ditësh; ato janë të formës së prerë dhe duhet të zbardhen brenda tre ditësh nga marrja e vendimit. Ndonëse vendimet jepen në seanca të hapura për publikun, ato janë të aksesueshme vetëm në faqen zyrtare të Kolegjit Zgjedhor për personat që kanë një fjalëkalim të posaçëm, gjë që nuk e lehtëson informimin e përgjithshëm të publikut rreth rregullave të procesit zgjedhor dhe nuk kontribuon në transparencën për zgjidhjen e mosmarrëveshjeve zgjedhore.
Si KQZ-ja, ashtu edhe Kolegji Zgjedhor iu përmbajtën afateve të parashikuara me ligj për gjykimin e mosmarrëveshjeve zgjedhore. Deri më 30 qershor, në KQZ u paraqitën 16 ankesa ndaj vendimeve të KZAZ-ve, kryesisht në lidhje me regjistrimin e kandidatëve. Trembëdhjetë vendime të KQZ-së u ankimuan në Kolegjin Zgjedhor, i cili hodhi poshtë tre prej tyre dhe la në fuqi nëntë vendime të KQZsë.50 Interpretimi i ngushtë i Kolegjit Zgjedhor të legjitimitetit të palëve garuese për të kundërshtuar regjistrimin e garuesve të tjerë cenon të drejtën për t’u ankimuar ndaj ligjshmërisë së regjistrimit të kandidatëve.
Më 13 qershor, KQZ-ja hodhi poshtë kërkesën e Partisë së Unitetit Kombëtar për t’u tërhequr nga pjesëmarrja në zgjedhje, duke e bazuar vendimin pjesërisht tek arsyetimi se dekreti i Presidentit i datës 10 qershor është i pavlefshëm. Më 24 qershor, Kolegji Zgjedhor e hodhi poshtë ankimin ndaj vendimit të KQZ-së dhe e konstatoi gjithashtu të pavlefshëm dekretin e 10 qershorit të Presidentit.
/abcnews.al
in a13:41 | 17/02/2020
Prokurori i Përgjithshëm i Republikës së Shqipërisë z.Olsian Çela priti sot në një takim zyrtar kreun e prezencës së OSBE-së në Shqipëri z. Bernd Borchardt.
Temë e takimit ishte mbështetja që OSBE ka dhënë dhe po jep për sistemin e drejtësisë në Shqipëri dhe projektet në të ardhmen.
Në takim u diskutua rreth forcimit të kapaciteve institucionale përmes rritjes së bashkëpunimit mes prokurorisë dhe policisë gjyqësore, objekt i një studimi të kryer nga OSBE. Ky studim do të pasohet nga një sërë aktivitetesh të tjera me qëllim implementimin e masave konkrete në këtë drejtim.
Gjithashtu në takim u diskutua edhe mbi aspekte të rëndësishme, të tilla si roli i prokurorisë në fazën zgjedhore apo në procesin e dekriminalizimit si dhe vlerësimin e kapaciteteve të saj në perspektivën e reformave ligjore në këtë drejtim./abcnews.al
ger ta14:47 | 15/02/2020
Nën cilësinë e kryetarit të OSBE, Kryeminisri Edi Rama ka mbajtur sot fjalën e tij në Konferencën e Sigurisë në Myhih. Teksa foli për konfliktin mes Ukrainës dhe Rusisë, Rama e vuri theksin tek sovraniteti që sipas tij është edhe një nga parimet e themelimit të OSBE.
Rama iu bëri thirrje të gjitha vendeve të OSBE të ofrojnë mbështetje për njerëzit, që jetojnë në kufirin e luftës, pasi sipas kryeministrit, vazhdojnë incidentet dhe njerëzit atje po jetojnë si në ferr.
“Unë isha 11 vjeç kur u krijua OSBE dhe Shqipëria jo vetëm që ishte i vetmi vend që nuk mori pjesë, por ishte edhe vendi që e denocoi krijimin e OSBE si një shkallëzilm të degjenërimt të botës. Ajo që është mbreslënësë është që vetë parimi thememli i i OSBE është fjala sovranitet, dhe këto parime sot po diskutohen. Kjo është një sfidë e madhe në një kohë ku për njerëzit po ndodhin gjëra të tmerrshme. Ura u ndërtua falë presidentit dhe falë paradhësit tim. Por është një urë që zë vetëm një ambulancë dhe ka 10 mijë njerëz që kalojnë nëpër këtë urë, shumica e tyre janë të moshuar që duhet të kalojnë nga ana ku kalojnë institucionet ukrainase. Ambulanca nuk mund të shkojë në spital se ende nuk është arritur një marrëveshje për këtë. Ka përmirësime në Kiev sa i takon qenies në kontakt. Përmirësim nënkupton më mirë se më e keqja. Vazdojnë incidentet gjatë natës për shkak të mungesës së kapaciteteve për të kontrolluar”, tha Rama.
Më tej kryeministri përmendi edhe rolin e Rusisë në këto marrëdhënie, ku sipas tij për aq kohë sa Rusia do të jetojë me frikën se është e rrethuar nga BE dhe NATO nuk do të ketë zgjidhje përfundimtare.
“Nuk ka të bëjë vetëm me Ukrainë, Gjeorgjinë, por me civilizimin tonë. Dhe Rusinë, për aq kohë sa Rusia, do të jetojë me frikën e të qenurit rrethuar nuk do të ketë një zgjidhje përfundimtare. Për aq kohë sa do të jetojë me frikën e rrethuar nga NATO dhe BE, gjërat nuk do të përmirësohen. Zelensky nuk ka kohë, ka vetëm 4 vjet. Palët e tjera kanë shumë kohë. 16 vjet më parë u mlodhët duke qenë se ishit të shqetësuar për Ukrainë, por 16 vjet më vonë kemi një luftë atje”, u shpreh kryeministri./abcnews.al
in a17:04 | 11/02/2020
Gjatë vizitës së tij në Shkup, ministri i Jashtëm italian Luigi Di Maio përsëriti dhe njëherë qëndrimin e Italisë pro anëtarësimit të Maqedonisë së Veriut në Bashkimin Europian. Për të përforcuar edhe më shumë këtë qëndrim ministri i Jashtëm italian Di Maio ndodhej në kryeqytetin e shtetit ballkanik ku u takua edhe me homologun e tij Nikola Dimitrov.
Maqedonia e Veriut është anëtare e organizatave të ndryshme ndërkombëtare si Kombet e Bashkuara dhe OSBE, ku është regjistruar me emërimin e përkohshëm të Republikës ish – Jugosllave të Maqedonisë. Ende shteti po përpiqet të anëtarësohet në NATO dhe Bashkimin Europian, i pranuar tashmë si vend kandidat në të njëjtin nivel me Turqinë.
Deri në vitin 2019 shteti quhej Republika e Maqedonisë dhe u përfshi në një përplasje të gjatë për emrin e saj me Greqinë. Në bazë të marrëveshjes së Prespës të nënshkruar në qershor të 2018-ës, pavarësisht mungesës së arritjes së kuorumit në referendumin e 30 shtatorit, parlamenti i vendit miratoi në janar të 2019-ës një modifikim kushtetues për marrjen e emrit Maqedoni e Veriut dhe për të bërë një hap përpara drejt anëtarësimit në NATO dhe Bashkimin Europian. Ndërkohë ndryshimi i emrit hyri në fuqi në shkurt të 2019-tës./abcnews.al
in a14:46 | 08/02/2020
Marrja e Presidencës së OSBE-së nga Shqipëria ka shkaktuar çarjen pa kthim të kabinetit qeveritar. Ministri i Jashtëm në detyrë, Gent Cakaj nuk e ka duruar dot mënjanimin e plotë që i ka bërë kryeministri, përsa i përket protagonizmit, duke i kujtuar “gjeniut” që tek e fundit ministër i Jashtëm është ai dhe vetëm ai, Edi Rama.
Gent Cakaj, i cili do të mbahet mend për vlerësimet e eksituara të Batonit dhe betejën kundër pasaportave të shërbimit të gazetarëve, tashmë e ka mbledhur mendjen se në zyrë qëndron sa për të shtyrë ditët.
Burime të 27.al afër qeverisë bëjnë me dije se zëvendësimi i Cakajt do të bëhet për punë ditësh dhe bashkë me të nuk është çudi të kemi një rikompozim të qeverisë, ku ministri i Rindërtimit Arben Ahmetaj pritet të marrë detyrën e zëvendëskryeministrit që deri më tani mbahet nga Erjon Braçe, i cili do të shkojë të drejtojë punët e bujqësisë.
So Nila14:51 | 03/02/2020
Zyra e OSBE-së në Vjenë ka dërguar paketën antishpifje në Komisionin e Venecias, pasi parlamenti u tërhoq nga votimi i dekreteve të presidentit, deri sa të shprehet ky Komision.
Përfaqësues i OSBE-së për lirinë e medias Harlem Desir shkruan në Twitter se para miratimit të ligjit duhet të bëhen dhe përmirësimet e tjera të nevojshme, para se të votohet në Parlament.
“Ligji “Antishpifje” e dërgova në Komisionin e Venecias, rishikimet tona ligjore mbi projektligjet e Albania për Media Audiovizuale dhe Komunikimet Elektronike. Kjo është një mundësi e rëndësishme për të bërë përmirësime të mëtejshme para një votimi të ri të Parlamentit”, shkruan Desir . /abcnews.al
in a16:49 | 29/01/2020
Shqipëria do ta drejtojë vetëm për një vit OSBE-në, por Sekretari i Përgjithshëm i NATO-s, shprehet se do të mbështesë angazhimin e kësaj presidence për të zbutur konfliktin në Ukrainë.
Jens Stolternberg priti Edi Ramën në cilësinë e kryesuesit të OSBE-së.
“Mbështesim fort OSBE-në në përgjithësi dhe sidomos përpjekjet e OSBE-së në Ukrainë. Duhet të arrihet armëpushimi dhe misioni i monitorimit nuk duhet të pengohet. Sulmi i dronëve vëzhgues është i papranueshëm. Ne e mbështesim kryeministrin Rama në përpjekjet e tij për të forcuar pozitat e OSBE-së në Ukrainë”, theksoi Stolternberg.
Ndërkohë kryeministri Rama nënvizoi se Shqipëria do të mbrojë muxhahedinët nga regjimi i Teheranit.
“Shqipëria iu ka dhënë strehë disa mijëra njerëzve, jeta e të cilëve është kërcënuar nga regjimi i Teheranit. Është pjesë e traditës sonë. E kemi bërë këtë si një operacion humanitar, dhe ishte njëkohësisht një deklaratë kundër regjimit. Ne nuk do ta ndryshojmë traditën tonë dhe as qasjen kundër këtyre njerëzve që duhet të mbrohen nga një regjim që përbën kërcënim për jetët e tyre. Do të vijojmë të qëndrojmë fort përkrah SHBA-ve,” u shpreh Rama.
Si kryeministri Rama ashtu edhe Stoltenberg e konsideruan një shkëndijë pozitive në marrëdhëniet Prishtinë-Beograd, rivendosjen e linjës ajrore direkte mes dy vendeve./abcnews.al
R D14:50 | 20/01/2020
Kryeministri shqiptar Edi Rama zhvilloi vizitën e parë zyrtare si kryesues i OSBE-së. Ai ishte në Ukrainë, ku konfliti i Krimesë ka prodhuar mijëra viktima. Rama u shpreh se synimi i presidencës shqiptare të OSBE-së, është të ndalë konfliktin e dhunshëm. Një armëpushim i nënshkruar mes palëve në vitin 2015, nuk u respektua asnjëherë nga palët.
Qysh kur Rusia aneksoi Krimenë në vitin 2014, Ukraina ka qenë stacioni i parë i çdo kryesuesi të OSBE-së. Edi Rama nuk bëri përjashtim. Ai po zhvillon një vizitë dy ditore në Kiev, ku u takua me të gjithë palët në vend.
Në një konferencë shtypi me ministrin e Jashtëm të Ukrainës, Rama tha se synimi i OSBE-së dhe Presidencës shqiptare, është vendosja e një armëpushimi të vërtetë në terren.
“Nuk jemi këtu për të premtuar ndonjë mrekulli, e dimë shumë mirë që kjo është një krizë shumë e ndërlikuar dhe jemi këtu sepse e dimë edhe që ka diçka që mund ta bëjmë më mirë se të tjerët për të ndihmuar të lehtësojmë sa më shumë të jetë e mundur jetët e atyre që janë në terren dhe janë plotësisht të pafajshëm e nuk e meritojnë të vuajnë pasojat dhe brutalitetin e këtij konflikti. Ky është prioriteti ynë kryesor, të ndryshojmë sa mundemi gjendjen në terren, ndërkohë që formulat dhe kontaktet dhe fjalët e mëdha sillen rrotull dhe mundësisht arrijnë rezultate më të mëdha”, tha Rama.
Konflikti në Krime është ndër më të përgjashmit që pas shpërbërjes së Bashkimmti Sovjetik. Sipas Kombeve të bashkuara, qysh prej vitit 2014, e deri më tani, rreth 9,500 persona kanë vdekur, ndërsa 22 mijë të tjerë janë plagosur. Fuqitë e mëdha nuk e njohin aneksimin e Krimesë nga Rusia, por kjo e fundit është anëtare e OSBE-së, ndaj Rama, asaj që për shumëkënd është luftë, i referohet si krizë. /abcnews.al
R D11:50 | 20/01/2020
Kryeministri Rama nuk do jetë i pranishëm në seancën e parë plenare për vitin 2020, për shkak të axhendës si kryesues i radhës i OSBE. Shefi i qeverise shqiptare është sot ne nje vizite zyrtare në Ukrainë.
Me anë të një video të shpërndarë në rrjetet sociale, Rama njofton se është takuar me Kryeministrin e Ukrainës, Oleksiy Honcharuk. Në video Rama përshëndetet me homologun dhe më pas largohet për të vijuar axhendën e mëtejshme.
Me herët kryeministri Rama kishte zhvilluar nje takim me ministrin e punëve të Jashtme, Vadym Prystaiko. Temë e takimit, mësohet se ka qenë situata e sigurisë në Ukrainë dhe përreth saj. Gjithashtu, në axhendë parashikohen bisedime me presidentin e Ukrainës Volodimir Zelenski dhe kryetarin e parlamentit.
Kjo është vizita e parë e Ramës si kryesues i OSBE, në vendin që përbën sfidë për anëtarët e organizatës, e cila ka një mision të posacëm monitorimi aty. Në ditën e dytë, axhenda e kryeministrit Rama do vijojë me një vizitë në Ukrainën Lindore për të patur një panoramë më të qartë të situatës në zonat e prekura nga konflikti, e ku armëpushimi ende nuk është zbatuar. Situata e Ukrainës konsiderohet si sfida më e ngutshme për sigurinë dhe stabilitetin në Europë. /abcnews.al
nev ila17:42 | 19/01/2020
Në cilësinë e Kryetarit të Përgjithshëm të OSBE-së, Kryeministri i Shqipërisë dhe Ministri për Evropën dhe Punët e Jashtme Edi Rama, nesër do të vizitojnë Ukrainën.
Rama do të zhvillojë bisedime me zyrtarë të nivelit të lartë ukrainas në Kiev.
Në cilësinë e Kryetarit të Zyrës së OSBE-së për vitin 2020, gjatë vizitës në ukrainë Rama do të zhvillojë bisedime me Presidentin e Ukrainës Volodymyr Zelensky, Kryeministrin Oleksiy Honcharuk, Ministrin e Jashtëm Vadym Prystaiko dhe Kryetarin e Parlamentit Dmytro Razumkov.
Një konferencë për shtyp në Ministrinë e Punëve të Jashtme të Ukrainës, është planifikuar të mbahet në përfundim të takimit me Ministrin e Jashtëm Prystaiko.
Bisedimet me zyrtarët e lartë në Ukrainë do të përqendrohen në forcimin e bashkëpunimit midis OSBE-së dhe Ukrainës, në punën e Misionit të posaçëm të monitorimit të OSBE-së (SMM) në Ukrainë, dhe në përpjekjet për një zgjidhje paqësore.
Në Kiev, Rama do të takohet gjithashtu me stafin e SMM, Koordinatorin e Projektit në Ukrainë, dhe Përfaqësuesin e tij Special në Ukrainë dhe në Grupin e Kontaktit Trilateral.
Është planifikuar që të nesërmen e vizitës (21 janar) ai do të vizitojë Ukrainën lindore për të pasur një panoramë më të qartë të situatës në zonat e prekura nga konflikti dhe punën e SMM.
Zyra e OSBE-së ka theksuar se kjo vizitë e parë zyrtare, si Kryetar i Zyrës së OSBE-së nga Rama, pasqyron rëndësinë e madhe që ai i kushton përpjekjeve të OSBE-së për të adresuar krizën rreth Ukrainës, sfida më e ngutshme për sigurinë dhe stabilitetin në Evropë sot./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
