Kreu i diplomacisë polake, Radoslav Sikorski, tha këtë të enjte se qeveria e re në Varshavë po kërkon një mënyrë për të rritur prodhimin e municioneve dhe pajisjeve ushtarake, pasi përgatit një paketë të re ndihme për Ukrainën.
“Ne po shqyrtojmë se çfarë mundësish kemi për të prodhuar më shumë municion dhe pajisje, si dhe çfarë tjetër kemi në depo“, tha Sikorski në Davos, ku po mbahet Forumi Ekonomik Botëror.
“Kostoja e frenimit të Presidentit rus Vladimir Putin pas pushtimit të Ukrainës do të ishte shumë më e lartë se kostoja e furnizimit të Ukrainës për t’u mbrojtur efektivisht kundër agresionit të tij“, shtoi Sikorsky.
Sakaq, ai mbështeti planin e SHBA-së për të konfiskuar rreth 300 miliardë dollarë asete të ngrira ruse për të ndihmuar në rindërtimin e Ukrainës.
“Agresori duhet të paguajë për dëmin e shkaktuar në Ukrainë”, theksoi Sikorski për Reuters./abcnews.al
