Lajm fantastik për tifozët e Milanit, teksa në Spanjë zbulojnë skenarin e bujshëm. El Mundo Deportivo raporton se Fondi Elliot po përgatitet për t’i dhuruar një trajner të madh kuqezinjve.
Ëndrra e madhe mbetet Pep Guardiola, teksa mund të vijë edhe Marc Overmars i Ajaxit si drejtor sportiv. Spanjollit i përfundon kontrata me Manchester City në vitin 2021 dhe kjo nuk është hera e parë që emri i tij lakohet për një transferim në Serie A.
Guardiola është aktivizuar me Brescian dhe Romën si lojtar, gjuhën dhe mentalitetin italian i njeh në perfeksion dhe gjithmonë e ka shprehur dëshirën për t’u rikthyer sërish. Deri tani gjithçka mbetet në formën e një ideje.
Drejtuesit e Milanit janë lodhur nga ecuria e dobët dhe zëvendësimet e trajnerëve, kështu që do të tentojnë realizimin e një objektivi tepër të vështirë dhe të komplikuar. /abcnews.al
