Blinken do të marrë pjesë në takimin e ministrave të jashtëm të NATO-s për Ukrainën dhe Ballkanin Perëndimor

Ministrat e Jashtëm të vendeve anëtare të NATO-s do të takohen nga 27 deri më 29 nëntor në Bruksel dhe në qendër të takimit do të jetë agresioni rus në Ukrainë dhe situata në Ballkanin Perëndimor.

Departamenti amerikan i Shtetit tha se sekretari Antony J. Blinken do të marrë pjesë në takim, përfshirë takimin e parë të ministrave të Jashtëm të Këshillit NATO-Ukrainë.

“Sekretari Blinken do të theksojë angazhimin e palëkundur të NATO-s ndaj Ukrainës në luftën e saj kundër agresionit rus, do të theksojë mbështetjen tonë për demokracinë dhe qëndrueshmërinë rajonale në Ballkanin Perëndimor dhe do të diskutojë përparësitë e takimit të Uashingtonit në korrik të vitit 2024”, thuhet në një njoftim të Departamentit të Shtetit.

.@SecBlinken will travel to Brussels on Nov. 27-29 to attend the NATO Ministerial Meeting. He will emphasize our steadfast support for Ukraine and our commitment to advancing respect for sovereignty, territorial integrity, and human rights. https://t.co/uM0aM9tNrH

— Matthew Miller (@StateDeptSpox) November 25, 2023