Kryeministri izraelit, Benjamin Netanyahu i ka quajtur thashetheme lajmet se janë arritur marrëveshje për pengjet që mban Hamasi. Ai ka theksuar se nëse do të arrihet diçka e tillë, do të njoftohet në çdo rast nga autoritetet në Izrael.
Gjithashtu ai ka theksuar se Izraeli është i vendosur deri në fund dhe të luftojë deri në fitore.
“Ne jemi të vendosur të luftojmë deri në fitore dhe derisa të kemi shkatërruar armikut, si edhe të kemi rimarrë pengjet. Pas fitores Gaza nuk duhet të jetë më një kërcënim për ne. Forcat e armatosura izraelite do të duhet të ruajnë vendin”, ka thënë ai.
Gjithashtu Netanyahu ka paralajmëruar se udhëheqësit e Hamasit që ndodhen jashtë vendit, janë në shënjestër dhe se janë përgjegjës për viktimat e këtyre sulmeve.
/abcnews.al/
