Manchester United u mposht rëndë në transfertë në mbrëmjen e Champions League, pasi Copenhagen triumfoi me shifrat 4-3. Anglezët mbajnë vendin e fundit në grup dhe dy ndeshjet e fundit i kanë tepër të vështira, pasi do të ndeshen në transfertë ndaj Galatasaray dhe në shtëpi do të presin Bayern Munich.
Pas përfundimit të ndeshjes, trajneri Ten Hag u ankua për kartonin e kuq të dhënë ndaj Rashford në fund të pjesës së parë.
“Ai karton i kuq dhe mënyra se si u gjykua kjo ndeshje, nuk ka të bëjë fare me futbollin. Në golin e parë të Copenhagen një lojtar i tyre qëndronte para Onana dhe ai gol duhej anuluar për pozicion jashtë loje.
Kjo ndeshje nuk duhej të shkonte në këtë mënyrë, nuk ka lidhje me futbollin. Jam dakord që arbitrat duhet të marrin vendime të vështira në fushë dhe mund të gabojnë, por jo në këtë mënyrë. Më mbetet vetëm të marr më të mirat e ndeshjes, më pëlqeu fakti që edhe me 10 lojtarë sërish ishim në kontroll të lojës. Sjellja e skuadrës në fushë ishte e shkëlqyer, nuk mund t’i bëj asnjë kritikë ekipit”, u shrpeh tekniku holandez./h.ll/abcnews.al
