Të paktën 19 persona kanë mbetur të vrarë në një sulm ajror izraelit në një shtëpi pranë një spitali në kampin e refugjatëve Jabalia në veri të Gazës të mërkurën, ka thënë Ministria e Brendshme e Gazës, teksa mijëra civilë të tjerë janë larguar drejt jugut për të shmangur luftimet e ashpra tokësore Izrael-Hamas, raportoi Reuters.
Ushtria izraelite u ka thënë vazhdimisht banorëve që të evakuojnë veriun. Sipas dëshmitarëve, ka persona të tjerë ende të zhdukur nën rrënojat e shkaktuara nga sulmi i së mërkurës.
