Një grup i madh i ish mercenarëve rusë Wagner ka filluar stërvitjen me forcat speciale nga rajoni jugor rus i Çeçenisë.
Kështu u shpreh të hënën lideri çeçen, Ramzan Kadyrov, shkruan The Guardian.
Wagner luajti një rol të rëndësishëm në disa nga luftimet më të ashpra të luftës së Rusisë në Ukrainë, por e ardhmja e saj u vu në pikëpyetje kur lideri i saj Yevgeny Prigozhin u vra në një aksident ajror në gusht, dy muaj pasi drejtoi një rebelim të shkurtër kundër institucionit të mbrojtjes ruse.
Kadyrov tha në një mesazh në Telegram se një grup i madh ish-luftëtarësh Wagner po kalonin stërvitje intensive me forcat e tij speciale Akhmat.
“Më vjen mirë që sot radhëve të njësisë së famshme Akhmat i janë bashkuar luftëtarë që kanë përvojë të shkëlqyer luftarake dhe e kanë dëshmuar veten si luftëtarë të guximshëm dhe efikas,” tha ai./abcnews.al
