Përgjaken krishtlindjet. Të paktën 5 persona kanë mbetur të plagosur pasditen e sotme në aksin rugor Milot-Rrëshen si pasojë e përplasjes së dy automjeteve. Sipas informacioneve që vijnë nga policia lokale e Kurbinit, rreth orës 18:10 është marrë njoftimi për një aksident të ndodhur në afërsi të Urës me Harqe.
Menjëherë në vendngjarje kanë mbërritur shërbimet e policisë ku kanë konstatuar se janë përfshirë në aksident 2 automjete dhe konkretisht:
Automjeti tip “Benz” me targa AA 220CV me dhe mjeti tip Audi AA963FI.
Si pasojë është lënduar nje pasagjere e automjetit tip Benz e cila është dërguar në Q.S.U. Tiranë për ndihmë më të specializuar mjekësore. Po pranë spitalit Nënë Tereza janë dërguar edhe katër personat që gjendeshin në makinën tip Audi. Shkaku paraprak dyshohet të ketë qenë një parakalim i gabuar i mjetit Audi, por ende po punohet për zbardhjen e plotë të rrethanave të këtij aksidenti./abcnews.al
