Wolverhampton mori një fitore historike 0-2 në fushën e Manchester City, duke i shokuar kampionët në fuqi të Premier League. “Ujqërit” bënë një paraqitje heroike, duke u mbrojtur shumë mirë dhe duke sakrifikuar gjithçka. Për paraqitjen e të tijve, trajneri i Ëolves, Nuno Santo tha:
“Djemtë luftuan fort, dhanë gjithçka në fushën e lojës. E kisha thënë dhe para ndeshjes, nuk na tremb askush. Mbrohemi mirë dhe kundërsulojmë, kjo është loja jonë. Mund të kishim shënuar më shumë, duhet të konkretizojmë rastet. Manchester City është një skuadër shumë e fortë, është e vështirë të luash kundër tyre.
Ata të bëjnë presing lart dhe ushtrojnë një presion mbytës. E dinim këtë gjë, gjithashtu dinim që po të kalonim vijën e parë të presingut, do të kishim raste. Kjo gjë u pa në fushën e lojës. Ne gjithmonë luftojmë kundër çdo rivali. Krenar për atë që dhanë djemtë dhe për rezultatin”, përfundoi Santo./abcnews.al
