Massimiliano Allegri , trajneri i Juventusit, ka folur në një konferencë për shtyp pas përfundimit të ndeshjes për të analizuar barazimin në stadiumin “Gewiss” kundër Atalantës.
“E dinim që Atalanta ishte një skuadër e vështirë për t’u përballur, jam i kënaqur me rezultatin, është një pikë që na lejon të ruajmë vendin e tretë së bashku me Napolin, tani le të mendojmë për Torinon”.
Ju pëlqeu Juventusi që menaxhoi momentet e vështira?
“Duhet të ishim pak më vertikalë në 20 minutat e fundit të pjesës së parë. Kemi luajtur një lojë të vështirë, nuk është kurrë e lehtë këtu në Bergamo”.
A ishit pak nervoz në fund?
“Në ato momente nuk duhet të gabosh. Duhet patjetër të përmirësohemi në këtë, djemtë gjithsesi po punojnë mirë, ne po përpiqemi të përmirësohemi, jam i lumtur për ata që hynë dhe ata që luajtën.”
A është Szczesny pasqyra e kësaj Juve?
“Që nga fillimi i kampionatit ne kemi kërkuar ekuilibër. Me përjashtim të Sassuolos, një mbrëmje në të cilën pati gabime nga njëra anë në tjetrën. Duhet të përmirësohemi kur nuk kemi topin. Këtë javë ne do të shohim kushtet e Vlahovic dhe Milik, polaku mund të jetë në dispozicion në ditët në vijim.”
Gara më e vështirë?
“Ne u takuam edhe me Lazion, janë teste që na mësojnë shumë. Ruajtja e pozitave të para është mirë, tani le të mendojmë për ndeshjen kundër Torinos të shtunën e ardhshme.”
Çfarë kanë më shumë Milani, Interi dhe Napoli?
“Duhet të përqendrohemi në atë që duhet të bëjmë, ka nisur një cikli i ri me shumë lojtarë të rinj dhe lojtarë me pak eksperiencë në kampionatin italian. Duhet të punojmë duke ditur kufijtë tanë, vetëm duke luajtur si ekip ne bëjmë mirë.”/ h.ll/abcnews.al
