Kryeministri rumun, Marcel Ciolacu do të udhëtojë në Kiev së bashku me disa nga ministrat e tij për bisedime mbi ndalimin e importit të grurit, raportojnë mediat rumune.
“Unë do të kem një udhëtim me disa ministra në Kiev, kur mendoj se do të përfundojmë të gjitha diskutimet në lidhje me eksportin në territorin rumun. Në këtë moment, ajo që është negociuar nga ministri është shumë e qartë dhe jam i bindur plotësisht që do t’ju jap më shumë detaje.”, citohet të ketë thënë Ciolacu nga Digi24.
Ai gjithashtu citohet të ketë thënë se ai flet përditë me udhëheqjen ukrainase. Rumania nuk është një nga vendet që ka vendosur një ndalim të njëanshëm për importet e grurit ukrainas, por ka ndjekur ndalimin e Komisionit Evropian që skadoi në fund të javës së kaluar.
Ministri i Bujqësisë, Florin Barbu tha të mërkurën se një sistem licencimi i import-eksportit ishte për diskutim midis dy vendeve, pasi Rumania ishte e prirur të merrte grurë të lirë pa ndikuar në industrinë e saj bujqësore./abcnews.al
