Leonardo Bonucci paralajmëron Interi para derbit të ditës së diel. Mbrojtësi italian ka folur për Sky Sport dhe vlerëson zikaltrit, por thekson se Juventusi do të tregojë forcën në “San Siro” dhe do të marrë rezultatin që do.
“E kanë nisur shumë mirë, sikurse pritej me emërimin e Contes si trajner. Jam i sigurt që ata kanë një ekip të madh, por jam i sigurt gjithashtu se në Milano do të bëjmë një paraqitje fantastike. Shkojmë në ‘San Siro’ për të marrë rezultatin e duhur. Do shihni një Juventus të madh”, ka deklaruar qendërmbrojtësi. /abcnews.al
