“Bardhekuqtë” e Atletico Madrid pësuan një humbje shokuese në javën e 5-të të Kampionatit spanjoll të futbollit, La Liga, teksa pasditen e së shtunës u mund me rezultatin e thellë 3 me 0, nga skuadra e Valencia.
Mirëpo, rezultati negativ nuk ishte e vetmja “humbje” për teknikun e Atletico, Diego Simeone, i cili tashmë duhet të vuajë për një kohë të gjatë mungesën e një prej lojtarëve më të rëndësishëm të ekipit të tij.
Bëhet fjalë për “fantazistin” francez, Thomas Lemar, i cili gjatë përballje dëmtoi tendinën e Akilit, duke e lënë 27-vjeçarin jashtë fushave, të paktën deri në fundin e këtij viti, por nuk mbaron me kaq, pasi për sfidën e mesjavës në Champions League, ndaj italianëve të Lazio, Simeone nuk do të ketë as shërbimet e mesfushorit argjentinas, Rodrigo de Paul, duke lënë kështu një hapësirë të madhe në mesin e fushës. /i.m /abcnews.al
