Dhjetra banorë vdiqën në një zjarr të madh në një bllok apartamentesh nëntë-katëshe në kryeqytetin vietnamez, Hanoi të martën në mbrëmje, njoftuan mediat vendase, duke cituar të dhënat e para nga autoritetet. Zjarri filloi pak para mesnatës të së martës në katin e parkimit të ndërtesës.
“Ne nuk mund t’i ndihmonim ata. Nuk ka asnjë rrugë shpëtimi, ishte e pamundur që viktimat të shpëtonin”, tha një banor për AFP. Të paktën tre fëmijë ishin në mesin e të vdekurve, raportoi Viettimes, “Dëgjova shumë britma për ndihmë. Ne nuk mund t’i ndihmonim shumë,” tha një grua që jeton afër.
JUST IN: “Dozens” killed in apartment building fire in Hanoi, Vietnam, according to state media pic.twitter.com/uv3NQA3L5S
— BNO News (@BNONews) September 13, 2023
Rreth 150 njerëz jetonin në kompleks, thanë autoritetet. Një tjetër dëshmitare tha se një djalë i vogël u hodh nga një kat i lartë. “Isha gati të flija kur ndjeva diçka. Dola jashtë dhe pashë zjarrin. Tymi ishte kudo. Ishte një djalë i vogël i hedhur nga një kat i lartë, nuk e di nëse mbijetoi apo jo edhe pse njerëzit përdorën një dyshek për ta kapur,” tha ajo./abcnews.al
