Një ngjarje e rëndë ka ndodhur mbrëmjen e sotme në qytetin e Vlorës, ku është ekzekutuar me armë zjarri, 41-vjeçari, Leartiad Keka (Lekaj).
Gazetari i ABC News, Elton Nika raporton se viktima ka qenë duke lëvizur me motor kur pranë tij është afruar një automjet “Audi A6” dhe një person e ka qëlluar pranë biblotekës publike.
LEXO EDHE: Vrasja në Vlorë/ Identifikohet viktima, gjendet e djegur makina e autorëve
Në momentin e parë që është qëlluar, 41-vjeçari është rrëzuar dhe tentuar të largohet, por autori ka qëlluar sërish duke e lënë të vdekur në vend.
Pak minuta pas ngjarjes, policia ka gjetur të djegur automjetin, ndërsa po punon për identifikimin dhe kapjen e autorëve.
Mësohet se në zonën ku ka ndodhur ngjarja, ka biznese dhe kamera sigurie, të cilat priet t’i vijnë në ndihmë policisë.r.t/abcnews.al
