Protagonist në finalen ndaj Brazilit në Kupën e Amerikës në vitin 2021 dhe protagonist në finalen e madhtë të Botërorit në Katar. “Fantazisti” argjentinas, Angel Di Maria ka vendosur t’i japë lamtumirën Kombëtares pas 2 suksesesh të njëpasnjëshme.
Ish-“ylli” i Real Madrid, Manchester United, PSG, Juventus e Benfica ka vendosur të tërhiqet përfundimisht nga Kombëtarja pas përfundimit të edicionit të radhës së Kupës së Amerikës, që do të zhvillohet mes 20 qeshorit dhe 14 korrikut në SHBA.
Ndërkaq, pavarësisht se ka vendosur t’i japë fund “aventurës” me Kombëtaren “albiceleste”, Di Maria pritet të vazhdojë kontratën e tij, te Benfica edhe për një tjetër sezon, teksa kujtojmë se deri më tani ka zhvilluar 5 përballje këtë sezon, ku ka shënuar 4 gola dhe ka dhënë 1 asistim. /i.m /abcnews.al
