Romelu Lukaku dhe Alexis Sanchez u transferuan gjatë merkatos së verës nga Manchester United drejt Interit. Këto dy lëvizje dobësuan repartin ofensiv të “Djajve të kuq”, të cilët nuk arritën të siguronin shërbimet e Mario Mandzukic nga Juventusi.
Ole Gunnar Solskjaer është i shqetësuar për situatën në repartin ofensiv dhe ka një mesazh për drejtuesit. Trajneri norvegjez kërkon një bomber, teksa shpjegon edhe largimin e belgut Lukaku drejt Serie A.
“Pas largimit të Lukakut dhe Sanchez nuk ishte e nevojshme të ishe një inxhinier hapësinor për të kuptuar që do kërkonim ndonjë sulmues tjetër. Po kërkojmë për një lojtar që na siguron fantazi dhe gola. Në verë nuk ia dolëm, por në janar duhet të sigurojmë sulmuesin e duhur. Lukaku? Kishte ardhur momenti të largohej. Nuk kishte sens të mbanim një lojtar që insistonte për t’u larguar”, përfundon trajneri i United. /abcnews.al
