Dy ndeshje të fituara, 4 gola të shënuar dhe asnjë të pësuar. Ky është deri më tani sezoni e “zikaltërve” të Inter, me këta të fundit që mund të thuhet me plot gojë se kanë bërë një nisje perfekte të këtij edicioni.
Për këtë nisje fantastike të sezonit disa fjalë i ka thënë dhe “arkitekti” turk i mesfushës, Hakan Calhanoglu, i cili tha se këtë edicioni skuadra do të kërkojë të shmangë gabimet e vitit të shkuar.
“Fituam një ndeshje të vështirë në Cagliari, në transfertë kundër tyre nuk është asnjëherë e lehtë. Jemi shumë të lumtur për këtë start që i kemi bërë sezonit, duam të shmangim gabimet e vitit të kaluar.
Sa i përket rolit të ri në fushë, jam i kënaqur. Më pëlqen të luaj në qendër të mesfushës, kontrolloj topin dhe shërbej më shumë shokët e skuadrës. Edhe lojtarët e rinj janë përshtatur shpejt, si të rinjtë ashtu edhe më të vjetrit, kanë një karakter shumë të fortë.
Është një grup i bukur. Tani mendojmë për ndeshjen e radhës ndaj Fiorentina-s. Kemi kohën e duhur në dizpozicion për të rikuperuar energjitë dhe do të kërkojmë fitoren”,- u shpreh “fantazisti” turk. /i.m /abcnews.al
