Lionel Messi shkaktoi një “tërmet” në Shtetet e Bashkuara të Amerikës që kur mbërriti tek skuadra e Inter Miami.
Mijëra fansa që ëndërronin të takoheshin me yllin argjentinas, papritur kanë mundësinë t’i afrohen për t’i kërkuar autografe dhe foto.
Megjithatë, kjo nënkupton rreziqe për kapitenin e skuadrës argjentinase.
Nisur nga pronari i klubit, David Beckham vendosi të punësojë një truproje për ta ndjekur atë dhe familjen e tij në çdo kohë. Kështu përmes rrjeteve sociale dhe me kalimin e ditëve filloi të bëhet virale figura e personit që e shoqëron Leon dhe që ndërhyn vazhdimisht që fansat të mos shqetësojnë futbollistin.
Ky është Yassine Chueko, një ish-ushtar i Ushtrisë Amerikane që luftoi në Irak dhe Afganistan.
Nga ana tjetër, siç tregohet në llogarinë e tij në Instagram , Cheuko është ekspert në artet marciale , taekwondo dhe boks dhe ka marrë pjesë në disa luftime MMA , sipas medias Miami Diario.
Profili i tij në platformën Mark Zuckerberg është plot me imazhe nga stërvitja e tij.
Përveç kujdesit për të gjatë ndeshjeve, Cheuko është gjithmonë pranë lojtarit të Inter Miamit dhe ai shihet duke i qëndruar pranë edhe kur del për pazar me Antonela Roccuzzo dhe fëmijët e saj në supermarket.
Që kur u bë i njohur si truproja e Messit,Cheuko e ka pesëfishuar numrin e ndjekësve në Instagram, ku numëron më shumë se 110 mijë njerëz.
Publikimi i tij i fundit daton 59 javë më parë dhe është një luftë MMA në të cilën ai mori pjesë./ h.ll/abcnews.al
