SHBA ka miratuar dërgimin e avionëve luftarakë F-16 në Ukrainë nga Danimarka dhe Holanda sapo të përfundojë trajnimi i pilotëve, ka deklaruar Sekretari amerikan i Shtetit, Antony Blinken.
Uashingtoni do të përshpejtojë miratimin e kërkesës për dërgimin e F-16, sipas letres, dërguar kolegëve të Blinken në Danimarkë dhe Holandë.
SHBA duhet të miratojë dërgimin e avionëve ushtarakë të aleatëve të saj në Ukrainë.
“Po shkruaj për të shprehur mbështetjen e plotë të Shteteve të Bashkuara të Amerikës për dërgmin e avionëve luftarakë F-16 në Ukrainë dhe për trajnimin e pilotëve ukrainas nga instruktorë të kualifikuar të F-16.
Është e rëndësishme që Ukraina të mund të mbrohet nga agresioni rus dhe shkeljet e sovranitetit të saj”, tha Blinken.
Presidenti i SHBA, Joe Biden, miratoi programet e trajnimit për pilotët ukrainas F-16 në maj. Përveç Danimarkës, qendra e trajnimit do të ngrihej edhe në Rumani. Rusia iu përgjigj miratimit duke pretenduar se dorëzimi i F-16 në Ukrainë përbën një “rrezik kolosal” për vendet perëndimore.
Miratimi i SHBA-së vjen një ditë pasi Ukraina tha se nuk do të jetë në gjendje t’i operojë me avionët deri në vjeshtë ose dimër bazuar në afatet kohore aktuale.
/abcnews.al
