Gabriel Jesus nuk po arrin të bindë Pep Guardiolën ta aktivizojë si titullar në kampionat. Braziliani e nisi në formacion duelin e parë të kampionatit kundër West Ham (shënoi 1 gol), ndërsa në duelet e tjera të Premier League, trajneri spanjoll i kampionëve ka preferuar Sergio Agueron.
22-vjeçari u aktivizua si titullar edhe në sfidat kundër Shakhtar Donetsk në Champions dhe Preston për EFL Cup, duke arritur të gjente rrugën e rrjetës. Rivaliteti te City është tepër i madh, por sulmuesi brazilian nuk duron më.
Ai ka një mesazh të qartë për Guardiolën dhe pret që ky i fundit t’i besojë më shumë, sidomos në ndeshjet e mëdha dhe të rëndësishme.
“Mori fund koha e pritjes dhe dua të luaj më shumë. Sezonin e kaluar nuk u aktivizova në ndeshjet e mëdha dhe ka ardhur momenti që gjërat të ndryshojnë”, thekson sulmuesi brazilian i Manchester City. /abcnews.al
