Thashethemet për jetën e dashurisë së Shakirës, pas ndarjes me Gerard Pique shtohen gjithnjë e më shumë. Sipas raportimeve të javëve të fundit, ajo dyshohet se është në një lidhje me Lewis Hamilton, ndërsa raportime të tjera e kanë çuar historinë një hap më tej, duke folur për mendimet për ndarjen e Hamiltonit, për shkak të sjelljes së këngëtarit të njohur, që e ka lodhur atë.
Gazetarja Geordie Martin, e cila është shumë e afërt me Shakirën, ka dashur të sqarojë çështjen, kundër asaj që flitet për të dhe Hamilton. Ndër të tjera ajo ka theksuar se mes të dyve nuk ka asgjë serioze dhe ka theksuar se kanë liri të plotë të bëjnë çfarë të duan.
“Do të doja të përgënjeshtroja një raport të botuar në një gazetë në Katalonjë ku thuhet se Hamilton është i lodhur nga qëndrimi i Shakirës. Mund ta mohoj kategorikisht këtë informacion, sepse kam folur me rrethinat e Shakirës dhe ata konfirmojnë se mes saj dhe Hamiltonit ka pasur dhe do të ketë gjithmonë një miqësi të bukur.
Mes tyre kishte më shumë se miqësi. Por ata të dy e dinin se nuk kishte asgjë serioze mes tyre dhe ata kishin liri të plotë për të bërë çfarë të donin”, vuri në dukje ajo.
Darka që “ngjalli” thashethemet
Ylli kolumbian i estradës, pas ngjarjeve të fundit dhe mosmarrëveshjes që po përflitej se kishte me Piquen për shkak të divorcit, u rikthye në Katalonjë dhe shumë menduan se kjo ndodhi për të parë nga afër pilotin britanik të Formula 1.
Në fakt, një foto e përbashkët e tyre në një restorant të njohur japonez, në të cilën Hamilton duket se i ka kaluar dorën pas shpine Shakirës, ka “ndezur” thashethemet se ata janë çift. Më pas, të dy festuan në një klub dhe u takuan me Neymar dhe Kylian Mbappe. Pak ditë më parë këngëtarja kishte qenë në varkën e pilotit dhe së bashku kishin shijuar një udhëtim rreth Majamit, ku u zhvillua Grand Prix-i i mëparshëm./abcnews.al
