Pronari i Facebook, Mark Zuckerberg, mori një pushim nga orari i tij shumë i ngjeshur dhe bashkë me vajzat dhe gruan e tij shkoi në një koncert të Taylor Swift. Ai ndau edhe foto në rrjetet sociale duke shkruar: “Jeta e një baba vajze.”
Fotoja e parë kap një moment të këndshëm teksa ai pozon me gruan e tij të dashur, Priscilla. Ndërsa, dy fotografitë e tjera janë realizuar me mjeshtëri nga vetë Marku, ku shfaqen dy vajzat e tij të adhurueshme së bashku me nënën e tyre dhe disa miq të ngushtë.
Mark dhe Priscilla shkëlqyen fjalë për fjalë gjatë koncertit të Taylor Swift në Santa Clara. Çifti e plotësoi pamjen e tyre duke shtuar gurë të çmuar shumëngjyrësh dhe të shndritshëm të fytyrës rreth njërit prej syve.
Marku mbante edhe byzylykë me rruaza në kyçet e dorës, të gjitha me ngjyra të ndryshme.
Puna, për fat të keq, nuk ndalet kurrë për Markun. Edhe në këtë ditë, teksa ishin rrugës për në koncert, ai mori pak kohë për të kontrolluar 13 emailet që e prisnin në inbox.
Ai e postoi këtë moment në Instagram duke shpërndarë një foto të tij me mbishkrimin, “Kontrollonimi i 13 emaileve gjatë rrugës për në koncert”, e ndjekur nga një fytyrë me emoji me lot gëzimi.
Mark Zuckerberg nuk është i vetmi personazh i famshëm i njohur për kalimin e kohës cilësore me familjen e tij. Dwayne ‘The Rock’ Johnson dikur anuloi një takim pune për të kaluar më shumë kohë me vajzat e tij./abcnews.al
