Loading ...
Dëmtimet nuk po i ndahen Realit të Madridit. Fillimi i sezonit i ka sjellë probleme të mëdha trajnerit Zidane. I fundit që është ndalur është Ferland Mendy, i cili bashkohet me Modric, Asensio, Marcelo, Isco dhe Brahim Diaz.
Mbrojtësi francez ka provuar dhimbje në këmbën e majtë dhe stafi mjekësor ka konfirmuar mungesën e tij në ndeshjen e nesërme kundër Osasunës. Të dielën është derbi i Madridit kundër Atleticos dhe me shumë mundësi Mendy nuk do arrijë të jetë i gatshëm për këtë sfidë.
Një problem i madh për trajnerin, pasi edhe Marcelo ndodhet për momentin në bokse. Zidane duhet të shpikë diçka për krahun e majtë të mbrojtjes. /abcnews.al
