SHBA po planifikon të riblejë raketat e mbrojtjes ajrore të çmontuar HAWK që i shiti Tajvanit dhe t’i ridrejtojë ato në Ukrainë si pjesë e një pakete ndihme ushtarake, sipas China Times.
Duke cituar burime të paidentifikuara, gazeta pretendon se Uashingtoni dhe Taipei ranë dakord për riblerjen pas konsultimeve me zyrtarë të lartë të sigurisë që në fillim të vitit të kaluar.
Transferimi është vendosur të kryhet nën paketën e ndihmës mbrojtëse prej 2.1 miliardë dollarësh të shpallur nga SHBA më 9 qershor.
MIM-23 HAWK është një sistem raketor amerikan me rreze të mesme veprimi tokë-ajër i zhvilluar nga Raytheon.
Ai hyri në shërbim në vitin 1960 dhe ende përdoret nga Egjipti, Greqia, Arabia Saudite, Spanja, Suedia dhe vende të tjera.
Ushtria ukrainase ka përdorur gjithashtu sistemet e mbrojtjes ajrore HAWK të ofruara nga Spanja.
Në janar, SHBA thuhet se i kërkoi qeverisë izraelite të transferonte raketat e vjetra anti-ajrore Hawk në magazinë në Ukrainë, por Izraeli nuk pranoi./abcnews.al
