Khartoum, kryeqyteti i shkatërruar nga lufta e Sudanit, ishte pa telekomunikacion për disa orë sot, ndërsa luftimet e ashpra midis ushtrisë dhe forcave paraushtarake vazhduan. Lidhjet e internetit dhe telefonit celular u ndërprenë ndërsa përplasjet e dhunshme u ndezën në shumë pjesë të qytetit.
Që nga 15 prilli, shefi i ushtrisë Abdel Fattah al-Burhan ka luftuar kundër gjeneralit Mohamed Hamdan Daglo, i cili kryeson Forcat paraushtarake të Mbështetjes së Shpejtë (RSF). Sipas OKB-së, pothuajse një milion e gjysmë banorë janë larguar tashmë nga Khartoum.
Miliona njerëz janë ngujuar në shtëpitë e tyre pasi kanë frikë se mund të sulmohen nëpër rrugë. Ata shpesh i drejtoheshin internetit për të plotësuar nevojat e tyre themelore.
Për shkak të luftimeve në Sudan, kryesisht në Khartoum, por edhe në rajonin e Darfurit, pothuajse 3000 njerëz kanë humbur jetën, ndërsa të zhvendosurit dhe refugjatët, sipas OKB-së, i kalojnë tre milionë.
