Më 30 qershor, “Mundo Deportivo” tashmë raportoi se Raphinha, sulmuesi i Barçës, zgjoi një interes të madh në Arabinë Saudite deri në atë pikë sa një klub po konsideronte të nënshkruante atë.
Lajmin e ka dhënë gazetari Achraf Ben Ayad, i njëjti që tani shton se kjo mundësi është bërë realitet. “Barça ka marrë një ofertë nga një klub i Arabisë Saudite për Raphinha”, ka shkruar ai në llogarinë e tij në Twitter.
Emri i klubit që është i gatshëm të bindë Barçën dhe Raphinha nuk është bërë ende i ditur. Braziliani është përgjigjur në të gjitha rastet në të cilat është pyetur për të ardhmen e tij, dhe ai ka theksuar gjithmonë dëshirën dhe gatishmërinë e tij për të qëndruar në Katalonjë.
Mëgjithatë, një ofertë “faraonike” saudite mund të trazonte ujërat si te Barça, ashtu edhe te Raphinha./h.ll/abcnews.al
