Presidenti ukrainas Volodymyr Zelensky dha një mesazh të fortë në favor të bashkimit me Aleancën Atlantike midis vendit të tij dhe Moldavisë, në të cilin po mbahet një samit i liderëve europianë.
“Të gjitha vendet europiane që kanë një kufi me Rusinë dhe nuk duan që Rusia t’u marrë një pjesë të tokës së tyre duhet të jenë anëtarë më të drejta të plota të NATO-s dhe BE-së,” tha Volodymyr Zelensky gjatë takimit të Komunitetit Politik Europian.
“Ka vetëm dy alternativa për këtë: ose një luftë e hapur ose një okupim i pakontrolluar rus,” vazhdoi Zelensky.
“Gjatë samitit të ardhshëm të NATO-s në mesin e korrikut në Vilnius “do të nevojiten ftesa të qarta për anëtarësimin në NATO dhe garancitë e sigurisë gjatë procesit të anëtarësimit,” këmbënguli ai.
“Për sa i përket anëtarësimit tonë në Bashkimin Evropian, është i nevojshëm një vendim i qartë dhe pozitiv”, shtoi ai.
Garanci të tilla, që konsistojnë në një deklaratë formale të mbështetjes në rast të një sulmi, i janë ofruar së fundmi nga disa vende të NATO-s Suedisë, hyrja e së cilës në Aleancë është e bllokuar nga Turqia dhe Hungaria.
/abcnews.al
