Denver shfrytëzon në mënyrën më të mirë faktorin fushë në finalet e Konferencës së Perëndimit, duke thelluar në 2-0 serinë në dëm të Los Angeles Lakers.
Nudggets fituan edhe sfidën e dytë të luajtur në shtëpi, duke imponuar shifrat 108-103. Pas tre periuodave në ekulibër, fati i ndeshjes u vendos vetëm në 12 minutat e fundit, që Denver e mbylli në epërsi 32-24.
Edhe një herë vendimtare në suksesin e vendasve ishte dyshja Jamal Murray dhe Nikola Jokiç. Basketbollisti kanadez mbylli paraqitjen e tij të shkëlqyer me dy shifra dopjo 37 pikë dhe 10 topa në tabelë. Si gjithmonë nuk zhgënjeu Jokiç, pasi serbi shënoi tre shifra dopjo me 23 pikë, 17 topa të kapur në tabelë dhe 12 asist për shokët e tij të skuadrës.
Për Lakers nuk mjaftuan përpjekjet e LeBron James. Shumë pranë tre shifrave dopjo ylli i skuadrës braziliane me 22 pikë, 10 asist dhe nëntë topa të kapur në tabelë.
Anthony Davis bëri detyrën e tij poshtë tabelave me 14 ribaund, por vetëm 18 pikë të shënuara për qëndrën e Lakers, që do të kthehen në shtëpi për dy finalet e ardhshme. Por deri atëherë, Denver ka hedhur një hap të sigurtë drejt finaleve në këtë sezon të NBA./ h.ll/abcnews.al
