Policia e Elbasanit ka reaguar në lidhje me incidentet e shkaktuara sot nga drejtuesi politik i koalicionit “Bashkë Fitojmë”, Flamur Noka.
Sipas policisë, Noka është futur në qendrat e votimit të fshatrave Kuqan dhe Shirgjan. Në Kuqan, Noka ka ofenduar komisionerët, ndërsa në Shirgjan ka tentuar të shtyjë kutitë dhe është larguar.
Nga ana e komisionerëve nuk është kërkuar ndërhyrja e Policisë, teksa po veprohen veprimet verifikuese dhe procedurale në lidhje me të dyja rastet.
Njoftimi i policisë
Elbasan
Më datë 14.05.2023, rreth orës 17:00, Policia është njoftuar se në Qëndrat e Votimit të fshatrave Kuqan dhe Shirgjan, drejtuesi politik i koalicionit “Bashkë Fitojmë“, deputeti F. N. ishte futur në QV-në e fshtatit Kuqan dhe ka ofenduar komisionerët, ndërsa në qendrën e votimit në Shirgjan ka tentuar të shtyjë kutitë dhe është larguar. Nga ana e komisionerëve nuk është kërkuar ndërhyrja e Policisë.
Në lidhje me njoftimin e marrë, është njoftuar menjëherë Prokurori. Nga ana e Policisë, në drejtimin e Prokurorisë, po vijojnë veprimet verifikuese dhe procedurale në lidhje me të dyja rastet.
