Ndërsa orëve të paradites zjarri në Delvinë ishte vënë në kontroll, pasditen e kësaj të enjteje flakët janë përhapur më shumë për shkak të erës. Sipas informacionit më të fundit nga Shtabi i Emergjencave, në fshatin Finiq dhe në Kardhiq zjarri është pranë shtëpive. Dy prej tyre, të pabanuara, janë djegur, ndërsa rrezikohen rreth 500 krerë bageti. Për shkak të terrenit të vështirë, zjarrfikësit e kanë të pamundur të ndërhyjnë, ndaj kërkohet ndihmë nga ajri. Në këtë zonë ka tri ditë që zjarri nuk shuhet, duke sjellë shkrumbimin e disa hektarëve pyje. /ABC News Albania 24/7
